Saparbaev 18 myń otbasyǵa nege AÁK berilmegendigin túsindirdi

NUR-SULTAN. QazAqparat - Elimizde 18,5 myń otbasyǵa ataýly áleýmettik kóterýden bas tartyldy. Bul týraly búgin halyqpen eseptik kezdesý ótkizgen QR Eńbek jáne halyqty áleýmettik qorǵaý mınıstri Berdibek Saparbaev aıtty, dep habarlaıdy QazAqparat tilshisi.

«Qandaı sharalar qabyldanyp jatqanyn, munan ary ne isteıtindigimizdi sóz sóıleýim kezinde aıttym, taǵy da qaıtalap aıtamyn. Eń bastysy bıylǵy jylǵa 130 mlrd teńge qarastyrylǵan. Birinshi jartyjyldyqtyń qorytyndysy boıynsha 67 mlrd teńge jumsaldy. Ataýly áleýmettik kómek bólýdi saılaýmen baılanystyrýǵa múldem bolmaıdy. Bizdegiler solaı boljam jasaǵandy jaqsy kóredi. Birnárse bolsa qalsa barlyǵy da saılaýmen baılanystyra qoıady», - dedi mınıstr.

Onyń aıtýynsha, arnaıy komıssııa qurylǵan. Olar ataýly áleýmettik kómek alýǵa nıetti otbasylardyń qujattaryn tyńǵylyqty tekseredi.

«Atalǵan komıssııa jumysynyń nátıjesinde qujattaryn durys toltyrmaǵan nemese kúmándi toltyrǵan 18,5 myń otbasyǵa áleýmet kómek berýden bas tartyldy», - dedi ol.

Búgingi kúni AÁK 277 myńnan astam otbasyǵa nemese 1,3 mln astam adamǵa tólendi. Jyl basynan beri 67,7 mlrd teńge somasynda AÁK tólendi, tólemniń ortasha mólsheri 105 myń teńgeni qurady.