Sapaly ınternet: Bazalyq stantsııa ornatýǵa úı turǵyndarynyń 70% kelisimi kerek

ASTANA. QazAqparat – Elordada turǵyndardy sapaly ınternetpen qamtý jumysy jalǵasyp jatyr. Bul týraly «Astana Innovations» AQ tsıfrlyq transformatsııa departamentiniń dırektory Janat Maýsymbaev aıtty, dep habarlaıdy QazAqparat

«Elorda turǵyndaryn sapaly ınternetpen qamtý boıynsha da jumystar júrgizilýde. Mysaly, 2022 jyly radıofobııaǵa jáne PIK/MIB jaldaý aqysynyń ósýine baılanysty elordadaǵy 40 operatorlyq bazalyq stantsııa qaıta qalpyna keltirildi. Bazalyq stantsııa – uıaly telefonǵa baılanys sıgnalyn jiberetin radıotaratqysh apparatýra kesheni», - dedi spıker Astana kommýnıkatsııalar qyzmetinde ótken brıfıngte.

Bul máseleni sheshý úshin turaqty túrde PIK/MIB jáne problemalyq ýchaskelerdiń turǵyndarymen uıaly baılanys jáne mobıldi ınternet sapasy boıynsha kezdesý ótip keledi.

«Mysaly, jyl basynan beri turǵyndarmen 30 kezdesý ótti. Qazirgi ýaqytta 10 turǵyn úı kesheni bazalyq stantsııa ornatýǵa kelisti, 14 úı kelisim berip, jumys júrgizilýde, 9 turǵyn úı bazalyq stantsııa ornatýdan bas tartty», - dedi Janat Maýsymbaev.

Bazalyq stantsııany ornatý máselesimen QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń telekommýnıkatsııa komıtetine habarlasýǵa bolady.

Turǵyn úı shatyryna bazalyq stantsııany ornatý úshin turǵyndardyń 70 paıyzy kelisim berýi qajet.