SAP óziniń baǵdarlamalyq sheshimderin qazaqsha shyǵara bastady
Búgin olar qazaq tilindegi SAP ERP sheshimderiniń qazaqshalaý jobasynyń aıaqtalǵanyn jarııalady. Táýelsizdik toıyna tartý bolyp otyrǵan bul jumysty olar QR Mádenıet jáne aqparat mınıstrligimen birlesip júzege asyrǵan.
«SAP 2011 jyly bizge termınderdi retteý salasynda kómektesýdi suraǵan bolatyn. Biz bul usynysty qýana qabyldap, 2 jyl boıy birlesip jumys jasadyq. Oǵan bilikti mamandardy tartyp, aýdarylǵan termınderdi onomastıka komıssııanyń saraptamasynan ótkizdik», - deıdi Mınıstrliktiń Til komıtetiniń taldaý jáne monıtorıng basqarmasynyń basshysy Gúlbadan Táýel. SAP kompanııasynyń Qazaqstan men Ortalyq Azııadaǵy basqarýshy dırektory Maksım Lamskovtyń sózine qaraǵanda, dúnıejúziniń 120 elinde keńsesi bar olardyń ónimderin kompanııalardyń 85 paıyzy tutynady. Al jiberiletin sálemderin 50 paıyzy olardyń basqarý sheshimderi arqyly óziniń dittegen jerine jetýde.
«Kompanııanyń 6 elde óz zerthanalary bar. Onyń eń irisi Germanııa, Izraıl, AQSh-ta ornalasqan. Endi onyń jańartylǵan sheshimderin tutynýshylar qazaq tilinde tegin júkteı alady. Ol úshin qosymsha shyǵyndy qajet etpeıdi. Biz ony halyqaralyq standarttar boıynsha júzege asyryp jatyrmyz. Máselen klıentterimiz qarasha aıynda personaldardy basqarýǵa qatysty sheshimderge qol jetkizdi», - deıdi kompanııanyń Qazaqstandaǵy ónimderdi oqshaýlar menedjeri Berik Tuıaqbaev.