«Saola» sýpertaıfýny Qytaıǵa jaqyndady

BEIJІŃ. QazAqparat – «Saola» sýpertaıfýny 1 qyrkúıekte Qytaıdyń ońtústigindegi Gýandýn provıntsııasynyń jaǵalaýyna jetedi. Qaýiptiliktiń «qyzǵylt sary» deńgeıi jarııalandy. Bul týraly Qytaıdyń Ortalyq meteorologııalyq basqarmasynan málimdedi, dep habarlaıdy QazAqparat.

Meteorologtardyń boljamynsha, «Saola» sýpertaıfýny soltústik-batys baǵytta 10-15 km/saǵ jyldamdyqpen qozǵalyp, Gýandýn provıntsııasynyń shyǵys jaǵalaýyna jáne Fýtszıan provıntsııasynyń (Shyǵys Qytaı) ońtústik jaǵalaý aımaqtaryna jaqyndap keledi.

Taıfýn 1 qyrkúıekte Gýandýn provıntsııasynyń jaǵalaýyna, sondaı-aq Gonkongqa jetýi múmkin. Qazir onyń oshaǵy Gýandýn provıntsııasynyń shyǵys jaǵalaýynan ońtústik-shyǵysqa qaraı 485 shaqyrym jerde ornalasqan. Taıfýnnyń ortalyq bóliginde jeldiń jyldamdyǵy – 62 m/s.

Qytaıdyń Ortalyq meteorologııalyq basqarmasy Gýandýn jáne Fýtszıan provıntsııalarynyń bıligine qajetti aldyn alý sharalaryn qabyldaýdy usyndy. Ashyq jerde buqaralyq is-sharalar ótkizýge tyıym salynady, al teńizdegi kemelerge porttarǵa oralý buıyrylady. Gonkong meteorologııalyq qyzmeti de «Saola» taıfýnynyń jaqyndaýyna baılanysty aýa raıynyń qaýipti deńgeıin arttyrdy.