Sanjar Tashkenbaı bokstan álem chempıonatynyń jartylaı fınalyna ótti

TAShKENT. QazAqparat - Ózbekstan astanasy Tashkent qalasynda ótip jatqan álem chempıonatynda Sanjar Tashkenbaı (48 keli) jartylaı fınalǵa joldama aldy, dep habarlaıdy QazAqparat tilshisi.

Keshki sessııada el quramasynan Sanjar Tashkenbaı (48 keli) men japonııalyq Kadzýma Aratakemen qolǵap túıistirdi.

Jekpe-jektiń alǵashqy mınýtynan qarsylastar birden shabýylǵa kóshti. Sanjar kóbirek soqqy jumsaýǵa tyrysty.

Nátıjesinde ol qarsylasyn nokdaýnǵa jiberdi. Tóreshiler birinshi raýndta Sanjardyń basymdyǵyna qoldaý bildirdi.

Ekinshi raýndta da tóreshiler qazaqstandyq boksshynyń jeńgenin rastady.

Osylaısha Sanjar Táshkenbaı qarsylasyn qapy qaldyryp, jartylaı fınalǵa joldama aldy.

Endi el quramasynan A rınginde úshinshi jupta Mahmýd Sabyrhan (54 keli) ganalyq Mohammedo Amadýmen, A rınginde segizinshi jupta Dýlat Bekbaýov (67 keli) meksıkalyq Mıgel Anhel Martınespen sheberlik baıqasady.

Sondaı-aq, B rıngindegi on tórtinshi jubynda Qamshybek Qońqabaev (92 keli) ózbekstandyq Bahodır Djalolovpen saıysqa túsedi.

Eske salsaq, budan buryn kúndizgi sessııada Qazaqstan quramasynan Dýlat Bekbaýov shırek fınalǵa ótti. Al Nurqanat Raıys pen Serik Temirjanov shırek fınalǵa shyǵa almady.

Qarsylasyn eki ret nokdaýnǵa jibergen ulttyq qurama kapıtany Aslanbek Shymbergenov pen Nurbek Oralbaı jartylaı fınalǵa ótti.