Sanjar Táshkenbaı ákesine temir tulpar mingizdi
Qazaqstan boks federatsııasynan habarlaǵandaı, Sanjar Táshkenbaı búgin federatsııa prezıdentiniń aqshalaı syıaqysyna kólik alyp, ony ákesine syıǵa tartqan.
«Sporttaǵy motıvatsııa biri dep osyny aıta alamyz. Sanjar Táshkenbaı ákesine qymbat kóliktiń kiltin tabystady. Bizdiń sportshylardyń barlyǵy qarapaıym otbasynan shyqqan. Biraq olarǵa joǵary deńgeıde qoldaý kórsetilse, túpkilikti maqsat laıyqty nátıjege ıe bolady» dep málim etti federatsııadan.
Aıta keteıik, taıaýda Qazaqstan boks federatsııasynyń prezıdenti Keńes Raqyshev álem chempıonatynda júldeger bolǵan boksshylarǵa jáne olardyń bapkerlerine, sondaı-aq analaryna $600 myń syılaǵan bolatyn.
Sanjar Táshkenbaı mamyr aıynda Tashkent qalasynda ótken álem chempıonatynda altyn medal jeńip aldy.