Sanjar Mádıev Atyraý oblysynyń kıeli jerleri týraly fılm túsirýdi usyndy

ASTANA. QazAqparat - 30 jáne 31 tamyz kúnderi Atyraýda memleket basshysynyń  "Bolashaqqa baǵdar:rýhanı jańǵyrý" baǵdarlamalyq maqalasyn júzege asyrý aıasynda  "Sarayşiq.Upgrade 2017" halyqaralyq jastar forýmy ótti. Oǵan kınematografııa, ekologııa, medıtsına salalarynyń belgili tulǵalary qatysty, dep habarlady Atyraý oblysynyń óńirlik kommýnıkatsııalar qyzmetinen. 

Forým jumysyna 150 delegat qatysty. Olardyń qatarynda jas rejısserlar, operatorlar, dərigerler, ekologtar, memlekettik qyzmetshiler, eriktiler, jas talanttar, stýdentter men Atyraý, Batys Qazaqstan, Aqtóbe, Mańǵystaý oblystary men Reseıdiń shekaralas oblystarynyń belsendi jastary bar. 

Shara barysynda stsenarıst, rejısser Asqar Bısembın, ekolog Laýra Məlikova, QR Densaýlyq saqtaý mınıstrligi qoǵamdyq densaýlyq saqtaý komıteti tóraǵasynyń orynbasary Berik Shərip, akter Sanjar Mədıev syndy basqa da tanymal tulǵalar oı-pikirlerin ortaǵa saldy.

Forým qatysýshylary Atyraý oblysynyń qasıetti oryndaryna bardy. "Qazaqstannyń kıeli jerler geografııasyna" engen Saraıshyq qalashyǵyna saıahat jasady.

«Bul aıadaı jerdiń ózi ata-baba tarıhynan syr shertetin ǵajaıyp oryn. Saraıshyq qalashyǵy jeti birdeı hannyń məńgilik mekeni, kınematograftar úshin óte qyzyqty oryn. Men osy jerdiń tarıhy týraly kórkem fılm túsirýdiń bastamashysy bolar edim»,- dep əserimen bólisti akter Sanjar Mədıev.

Atyraý oblysynyń əkimi Nurlan Noǵaev mundaı sharalardy ótkizýdiń jas mamandar úshin mańyzdy ekenin atap ótti.

«Jastar úshin óz salasynyń maıtalmanymen kezdesý oı-óristeriniń keńeıip, jańa ıdeıalarmen shabyttanýyna jol ashady. Mundaı sharalar oblysta jyl saıyn dəstúrli túrde ótedi. Memleket basshysy jastardy eldiń qoǵamdyq ómirine tartýdyń mańyzyna ərkez nazar aýdaryp keledi. Təýelsiz Qazaqstannyń jas urpaǵy bolashaq úshin qajet jaqsy qasıetterdi boılaryna sińirip ósýleri kerek», - dedi aımaq basshysy.

Jastar ekologııa, medıtsına jəne kınoındýstrııa salalarynyń belgili tulǵalarymen ashyq alańda oı bólisip, óz keńistikterin ashyp, jastyq jigerlerin kórsetýge múmkindik beretin əleýetti tapsyrys berýshilermen jáne ınvestorlarmen kezdesti.