Sansyzbaı Esilov: Elbasynyń tez arada jazylyp shyǵýyna tilekshimiz

NUR-SULTAN. QazAqparat - Nur-Sultan qalalyq Ardagerler keńesiniń tóraǵasy Sansyzbaı Esilov Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń denine saýlyq tilep, elimizdiń barlyq azamatyn karantın talaptaryn saqtaýǵa shaqyrdy.

«Qazirgi ýaqytta koronavırýs ınfektsııasynyń juqtyrý kórsetkishi bizdi alańdatyp otyr. Memleket basshysy tıisti tapsyrmalar berip, Úkimet tarapy oryndaǵanmen báseńdemeı otyr. Bul indettiń qaýiptiliginiń belgisi. Búgin Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń koronavırýsqa qarsy test synamasy oń nátıje kórsetti degen habar shyqty. Elbasynyń tez arada emdelip shyǵýyna tilekshimiz. Ol – elimizdiń ósip-órkendeýi úshin aıanbaı eńbek etken, rýhy myqty adam. Bul qıyndyqty ońaı jeńip shyǵady dep senemin», - deıdi Ardagerler keńesiniń tóraǵasy.

Ol sóz arasynda indettiń qaýiptiligin aıtyp, mamandar tarapynan berilgen nusqaýlardy saqtaýǵa shaqyrdy.

«Koronavırýs ınfektsııasyna senbeı otyrǵandar bar. Dárigerler tarapynan qoıylǵan mindetterdi oryndamaýdyń saldarynan sońǵy ýaqytta indetke shaldyqqandar kúrt artyp otyr. Prezıdent Qasym-Jomart Toqaev birneshe ret barlyq azamatty dertten saqtanyp, karantın talaptaryna muqııat bolýǵa shaqyrdy. Bul adamzatqa tónip turǵan qaýip. Tártipke bas ıgen qul bolmaıdy. Sol sebepti árqaısymyz tıisti talaptardy oryndap, ózimizge de, ózgege de qaýip tóndirýden aýlaq bolaıyq!» - dedi Sansyzbaı Esilov.