Reseıdiń Sankt-Peterbýrg qalasynda jolaýshylar avtobýsy Moıka ózenine qulap ketti

<p>ASTANA. KAZINFORM &ndash; Reseıdiń Sankt-Peterbýrg qalasynyń ortalyǵynda 20 shaqty adam mingen jolaýshylar avtobýsy kópirden Moıka ózenine qulap ketti. Bul týraly RF ІІM qala jáne oblys boıynsha bas basqarmasynyń baspasóz qyzmeti habarlady, dep jazady&nbsp;<a href="https://tass.ru/proisshestviya/20760425" target="_blank" rel="noopener">TASS.</a></p>

«Búgin kúndizgi saǵat birler shamasynda polıtsııaǵa Bolshaıa Morskaıa kóshesindegi 69-úıdiń aýdanynda jolaýshylar avtobýsy kópirden Moıka ózenine qulap ketkeni týraly habarlama tústi. Málimetter boıynsha, tótenshe jaǵdaı kezinde kóliktiń ishinde 20-ǵa jýyq adam bolǵan», - dep habarlady vedomstvo.

Oqıǵa ornynda tótenshe jaǵdaılar qyzmeti adamdardy sýdan shyǵaryp jatyr. Avtobýstyń sýǵa qulaýyna ne sebep bolǵany ázirge belgisiz.

Sankt-Peterbýrg prokýratýrasynyń baspasóz qyzmeti departament apattyń mán-jaıyn tergeýdi baqylaýǵa alǵanyn habarlady.

Tótenshe jaǵdaılar mınıstrliginiń málimetinshe, avtobýs Potselýev kópiriniń qorshaýyn buzyp ótip, Moıkaǵa qulaǵan. Qutqarý jumystaryna barlyǵy 18 tehnıka men 69 adam jumyldyrylǵan.

Sońǵy málimetter boıynsha, osy apat saldarynan 7 adam mert bolǵan. 6 adam aýrýhanada jatyr. Zardap shekkenderdiń tórteýi klınıkalyq ólim jaǵdaıynda, taǵy ekeýiniń jaǵdaıy aýyr.