Sankt-Peterbýrgte UQShU áskerı komıtetiniń otyrysy ótti
Otyrysqa Armenııa, Belarýs, Reseı, Tájikstan elderiniń Bas shtab bastyqtary, Qyrǵyz Respýblıkasy Qarýly Kúshteri Bas shtaby bastyǵynyń orynbasary men UQShU Birikken shtabynyń bastyǵy qatysty. Qazaqstan tarapynan Qorǵanys mınıstriniń birinshi orynbasary - QR QK Bas shtabynyń bastyǵy, general-maıor Murat Bektanov boldy.
Qatysýshylar 2020 jylǵa arnalǵan áskerı salanyń basym baǵyttaryn talqylap, olardy iske asyrýdyń sharalaryn qarastyrdy. Odan basqa ujymdyq qaýipsizdik aýmaqtaryndaǵy áskerı qaýipsizdiktiń syn-qaterin saraptady.
Taraptar «Jaýyngerlik dostastyq - 2019» birikken aýqymdy oqý-jattyǵýyn ótkizý qorytyndylarymen bólisip, ujymdyq kúshterdi basqarýdy jetildirý men UQShU múshe memleketterdiń Qarýly Kúshterine qarasty avıatsııalardyń halyqaralyq ushýlaryna qatysty máselelerdi sheshý jóninde pikir almasyp, sonymen qatar, ujymdyq kúshterdiń múddesine qatysty materıaldyq qarajat zapasyn qurý talqylandy. Kún tártibindegi basty taqyryptardyń biri 2021-2025 jyldarǵa arnalǵan áskerı yntymaqtastyqty damytý josparyn qurý boldy.
General-maıor Murat Bektanov qazaqstandyq tarap uıymnyń bolashaǵyna aıtylǵandardy júzege asyrýǵa jan-jaqty kómek kórsetiletinin aıtyp jáne kún tártibindegi suraqtarǵa qatysty qorǵanys vedomstvosynyń pozıtsııasymen bólisti.
«Biz úshin Uly Otan soǵysyndaǵy Jeńistiń 75 jyldyǵyn merekeleýge arnalǵan birlesken is-sharalar mańyzdy bolmaq. Sonymen qatar qaýipsizdik suraqtary boıynsha aqparat pen pikir almasýdy jalǵastyrý sózsiz qajet», - dedi ol.
Sankt-Peterbýrg qalasyna sapary aıasynda delegatsııa basshylary «Otan-Ana» monýmentine gúl shoǵyn qoıyp, Lenıngrad shaıqasy murajaıynyń ekspozıtsııasyn kórdi jáne Lenıngrad shaıqasynyń qurbandary men Lenıngrad maıdanynyń jaýyngerlerin jappaı jerleý oryndarynyń biri – Pıskarev eskertkish zıratyna bardy.