Sankt-Peterbýrgte shaǵyn quramda JEEK otyrysy ótti
RF Prezıdenti Vladımır Pýtın kezdesýdi asha otyryp, aldaǵy jumystyń konstrýktıvti sıpatqa ıe bolatynyna úmittenetinin jetkizdi.
V. Pýtın JEEK qurmetti tóraǵasy Nursultan Nazarbaevqa EAEO qurýǵa bastamashylyq etkeni úshin alǵys aıtty.
«Nursultan Ábishuly, bizde barlyǵy jaqsy júrip jatyr. Búgin sizdi Peterbýrgte qurmetti tóraǵa retinde qarsy alǵanymyz úshin óte qýanyshtymyn», - dedi ol Elbasyǵa.
«Áli de sheshimin tappaǵan máseleler bar. Bul túrli shekteýler men alyp tastaýlarmen baılanysty bolyp otyr. Bul kez kelgen ekonomıkalyq ıntegratsııalyq birlestikterge qatysty ekenin atap óteıin. Sizben birge osy shekteýlerdi joıý baǵytyna qaraı áreket etip kelemiz», - dep atap ótti V.Pýtın.
Sondaı-aq, ol búgingi otyrys barysynda aldaǵy kezeńge Eýrazııalyq ekonomıkalyq komıssııa basshylyǵyn saılaý máselesi qaralatynyn aıtty.
Sammıt jumysyna Belarýs, Qyrǵyzstan jáne Reseı prezıdentteri - Aleksandr Lýkashenko, Sooronbaı Jeenbekov jáne Vladımır Pýtın, sondaı-aq Armenııa premer-mınıstri Nıkol Pashınıan qatysyp jatyr.
Qazaqstan tarapynan JEEK Qurmetti tóraǵasy, QR Tuńǵysh Prezıdenti Nursultan Nazarbaev bardy. Budan bólek, JEEK keńeıtilgen otyrysyna Moldova Prezıdenti Igor Dodon qatysyp jatyr.