Sankt-Peterborda turatyn Qazaqstan azamaty áskerge shaqyrtý aldy – SІM túsiniktemesi

ASTANA. QazAqparat – Reseıde turaqty turýǵa ruqsaty bar Qazaqstan azamattaryna áskerge shaqyrý túsip jatqany týraly habar tarady. Osyndaı jaǵdaı bolǵan kezde elimizdiń azamattary ne isteýi kerektigin QR Syrtqy ister mınıstrliginiń resmı ókili Aıbek Smadııarov túsindirdi, dep habarlaıdy QazAqparat tilshisi.

Aıta keterligi, buqaralyq aqparat quraldarynda Sankt-Peterbor qalasynda turatyn, Reseıde turaqty turýǵa ruqsaty bar Qazaqstan azamaty ishinara áskerge jumyldyrý boıynsha shaqyrtý alǵany týraly habar taraǵan edi.

«Árıne, aqparattyq bazalarda mundaı sáıkessizdikter bolyp turady. Eger, aıtalyq adam Reseı aýmaǵynda bolsa, turaqty turýǵa ruqsat alsa, onda bul – azamattyq emes. Ol áskerı komıssarıatqa qujattaryn kórsete alady nemese Qazaqstan Elshiligine júginýi kerek. Zańdy turǵyda Qazaqstan azamaty ekenin dáleldeýi qajet», - dedi ol mınıstrlikte ótken aptalyq brıfıng barysynda BAQ ókilderiniń saýalyna oraı.

Foto: gov.kz