Sankt-Peterborda TMD Parlamentaralyq Assambleıasynyń otyrysy boldy
Otyrys barysynda basty nazar TMD elderindegi bilim berýdi damytý máselelerine aýdaryldy. Sharaǵa qatysýshylar «Inklıýzıvti bilim berý týraly», «Eresekterge bilim berý týraly», «Aralyq sottar jáne aralyq talqylaýǵa tórelik týraly», «Parlamenttik tergeý týraly», «Jergilikti bılik organdarynyń shekaralyq yntymaqtastyqqa qatysý tártibi týraly», «Saqtandyrý medıtsınasy týraly», «Elektrondyq qujattardy transshekaralyq aqparattyq almasý týraly», «Elektrondyq úkimet týraly», «Áleýmettik-mádenı qyzmet týraly», «Úkimettik emes uıymdar týraly», «Іri sporttyq sharalarda qaýipsizdikti qamtamasyz etý týraly», «Jol júrisi qaýipsizdigi týraly», «Avarııalyq-qutqarý qyzmeti jáne qutqarýshylar mártebesi týraly» úlgi retindegi zańdar qabyldady.
TMD PAA Qarýly qaqtyǵystar kezeńinde jáne basqa zorlyq-zombylyq jaǵdaılarynda medıtsınalyq qyzmetkerlerdi jáne densaýlyq saqtaý nysandaryn qorǵaý jónindegi usynymdardy jáne Uıymdardy terrorıstik jáne ekstremıstik sıpatqa jatqyzý máseleleri boıynsha TMD-ǵa qatysýshy memleketterdiń ulttyq zańnamalaryn jetildirý jáne úılestirý jónindegi usynymdardy qabyldady.
TMD-ǵa qatysýshy memleketterge arnalǵan úlgi retindegi Kitaphana kodeksi men «Internetti retteýdiń negizderi týraly» úlgi retindegi zań jańa mátinde bekitildi. Odan basqa, otyrysta «Memlekettik shekara týraly» úlgi retindegi túsindirme qaraldy.
Tavrııa saraıynda sondaı-aq eki memleket parlamentteri Palata tóraǵalarynyń orynbasarlary Sergeı Gromov pen Ilıas Ýmahanovtyń tóraǵalyq etýimen Qazaqstan Parlamenti Senaty men Reseıdiń Federatsııa Keńesi arasyndaǵy Parlamenttik yntymaqtastyq komıtetiniń kezekti otyrysy boldy. Qazaqstan jaǵynan Sergeı Plotnıkov, Serik Bekturǵanov, Serik Jaqsybekov, Jeńis Nurǵalıev jáne Vladımır Redkokashın da qatysty.