Sankt-Peterborda TMD Parlamentaralyq assambleıasynyń kóktemgi is-sharalary ashylýda
Onyń aıasynda sáýirdiń 6-sy men 8-i aralyǵynda TMD Parlamentaralyq Assambleıasynyń májilisi jáne Eýropa men Dostastyq elderi parlamentshileriniń qatysýymen eki halyqaralyq konferentsııa ótedi.
TMD Parlamentaralyq assmbleıasynyń baspasóz qyzmetinen habarlaǵandaı, Assambleıa Keńesi búgingi májiliste 2010 jylǵy zańnamalyq jumystardyń josparyn naqtylaıdy jáne ar-ojdan bostandyǵy, dinı senim jáne dinı uıymdar týraly jáne fashızm men natsıstik sımvolıka ıdeologııasyn nasıhattaýǵa tyıym salý týraly modeldi zańdardy ázirleý úshin eki jumys tobyn qurý týraly sheshim qabyldaıdy dep kútilýde. TMD Parlamentaralyq assambleıasy Keńesiniń músheleri sondaı-aq,
Ýkraına men Tájikstandaǵy saılaýlardyń barysyn baqylaýdyń qorytyndylaryn shyǵarýdy jáne Neva ekologııalyq kongresin jáne Qazaqstannyń EQYU-daǵy tóraǵalyǵyna arnalǵan halyqaralyq parlamenttik konferentsııany ótkizýge ázirliktiń barysymen tanysýdy josparlap otyr.
Al sársenbi kúni Assambleıa is-sharalaryn Jeńistiń 65 jyldyǵyna arnalǵan parlamentaralyq konferentsııa jalǵastyrady. TMD PA Keńesiniń bas hatshysy Mıhaıl Krotovtyń habarlaýynsha, konferentsııa qorytyndysy boıynsha deklaratsııa qabyldanyp, ol qujattar halyqaralyq uıymdarǵa, onyń ishinde Birikken Ulttar Uıymyna joldanady. Assambleıa is-sharalarynyń aıasynda sondaı-aq, Eýropa Keńesiniń Parlamenttik Assambleıasymen birlesip uıymdastyrylǵan «Eýropalyq qaýipsizdiktiń bolashaǵy» degen taqyrypta konferentsııa ótedi.