Sanktsııalyq teketires EAEO qyzmetin transformatsııalaýdy talap etedi – Muhtar Tileýberdi

NUR-SULTAN. QazAqparat - Sanktsııalyq teketires Eýrazııalyq ekonomıkalyq odaq qyzmetin transformatsııalaýdy talap etedi. Bul týraly «Halyqaralyq qatynastardyń qazirgi zamanǵy júıesindegi Qazaqstan Respýblıkasy» atty halyqaralyq konferentsııa barysynda QR Syrtqy ister mınıstri Muhtar Tileýberdi aıtty, dep habarlaıdy QazAqparat tilshisi.

«Qazaqstannyń negizgi strategııalyq seriktesi Reseı Federatsııasymen syndarly ózara is- qımyl burynǵydaı qarqyndy damyp keledi. Eýrazııalyq ıntegratsııanyń belsendi jaqtaýshysy bola otyryp, elimiz birqatar óńirlik uıymdardyń – Táýelsiz Memleketter Dostastyǵynyń, Ujymdyq qaýipsizdik sharty uıymynyń jáne Eýrazııalyq ekonomıkalyq odaqtyń negizin qalaýshy boldy», - dedi mınıstr.

Onyń atap ótýinshe, Qazaqstannyń 2022 jyly TMD-ǵa tóraǵalyǵynyń basty nazary - memleketterdiń turaqty damýynyń basty faktory retinde ekonomıkalyq yntymaqtastyqty arttyrý arqyly uıym qyzmetiniń tıimdiligin odan ári arttyrý.

«Sanktsııalyq teketires EAEO qyzmetin shynymen de erkin naryq qurý maqsatynda transformatsııalaý qajettiligin talap etedi. Bul - qaýymdastyq ekonomıkalary ósýiniń ómirlik mańyzdy sharty. Uıymnyń negizgi mindetteri beıbitshilik pen turaqtylyqty nyǵaıtý, múshe memleketterdiń aýmaqtyq tutastyǵy men egemendigin qorǵaý ekenin eskersek, Qazaqstannyń UQShU-ǵa qatysýy ulttyq jáne óńirlik qaýipsizdikti qamtamasyz etý turǵysynan eń mańyzdy baǵyt bolyp sanalady», - dedi Muhtar Tileýberdi.