Sanktsııalar jahandyq tasymal júıesin ydyratýda – Memleket basshysy

ASTANA. QazAqparat – QR Prezıdenti Qasym-Jomart Toqaev Birikken Ulttar Uıymy Bas Assambleıasy 77-sessııasynyń jalpy debatynda sóılegen sózinde ekonomıkalyq jáne saıası sanktsııalardyń zardabyna toqtaldy, dep habarlaıdy QazAqparat tilshisi.

«Biz eki býynnan keıin alǵash ret ıadrolyq qarýdyń qoldanylý qaýpimen betpe-bet keldik.Teketirester jasandy kedergiler men ekonomıkalyq oqshaýlanýǵa ákeledi.

Ekonomıkalyq jáne saıası sanktsııalar azyq-túlik qaýipsizdigin qamtamasyz etý tizbegin joıyp, mıllıondaǵan adamdarǵa, ásirese qoǵamnyń osal toptaryna qaýip tóndiretin «jańa normaǵa» aınaldy», - dedi Memleket basshysy.

Sondaı-aq, Prezıdent atalǵan problemalardyń saldary erteń qandaı qıyndyqtarǵa ákeletinin aıtty.

«Bul qıynshylyqtar ósip kele jatqan ınflıatsııaǵa, jumys oryndaryn joǵaltýǵa jáne damýshy elderdiń álemdik ekonomıkanyń quldyraýynan úreılenýine qatysty qazirgi syn-qaterlerdi tek kúsheıte túsedi.

Bul kúızelister, túptep kelgende, klımattyń ózgerýine qarsy kúresý jáne ornyqty damýdy qoldaý jónindegi biz bárimiz kelisken jedel sharalardyń júzege asyrylýyna aıtarlyqtaı kedergi keltiredi», - dedi Qasym-Jomart Toqaev.

Foto:akorda.kz