Sanktsııa: Halyqaralyq valıýta qory Reseıde defolt bolatynyn joqqa shyǵarmaıdy

MÁSKEÝ. TASS- QazAqparat – Halyqaralyq valıýta qorynyń dırektory Krıstalına Georgıeva Ýkraınadaǵy jaǵdaıdyń ýshyǵýyna baılanysty elge salynǵan sanktsııalardan Reseı defolt bolýy múmkin ekenin aıtty, dep habarlaıdy QazAqparat TASS-qa silteme jasap.

«Reseıge engizilgen buǵan deıin bolmaǵan sanktsııalar eldi retsessııaǵa ushyratty. Bizdiń boljamǵa sáıkes, bul retsessııa aıtarlyqtaı kúrdeli bolady. Defoltqa qatysty aıtar bolsaq, ol da bolýy ǵajap emes», - dedi Georgıeva CNBC telekompanııasyna bergen suhbatynda.

HVQ basshysy Reseıdiń «defoltqa ushyraý taqyrybyn spekýlıatsııa jasaǵysy kelmeıtinin» atap ótti. Onyń pikirinshe, buǵan antıreseılik sanktsııalar qanshalyqty uzaq bolatyny, RF-tiń óz qaryzyn tóleý múmkindigi bar-joǵy yqpal etedi.
«Ekeýi de ázirge belgisiz», - dedi ol.