Sandyqtaýlyqtar respýblıkalyq til baıqaýynda oblys namysyn qorǵamaq - Aqmola oblysy

KÓKShETAÝ. QazAqparat - Sandyqtaýlyqtar «Memlekettik til - memlekettik qyzmette» respýblıkalyq baıqaýynda Aqmola oblysynyń namysyn qorǵaıtyn bolady, dep habarlaıdy QazAqparat tilshisi.

Kókshetaý qalasynda «Memlekettik til - memlekettik másele» taqyrybymen oblystyq baıqaýy ótti. Baıqaýdyń basty maqsaty - qyzmetkerler arasyndaǵy memlekettik tildi bilýdiń dárejesin anyqtaý, sóıleý mádenıetin qalyptastyrý, memlekettik tildi qurmetteýge jáne patrıotızmge tárbıeleý.

Qazaq tilin bilý dárejesin anyqtaıtyn bul baıqaýǵa Aqmola oblysynyń 8 aýdanyndaǵy memlekettik qyzmetkerler qatysyp, baqtaryn synady.

Ádil qazylar alqasynyń músheleri oblystyq memlekettik qyzmet isteri, jemqorlyqqa qarsy is-qımyldyń ókilderi jáne tilderdi damytý basqarmasynyń mamandary boldy.

Sandyqtaý aýdanynyń «Parasat» tobynyń músheleri Klara Áýezhan, Berik Eslám, Sáken Daıyrov baıqaýdyń barlyq kezeńderin ótip, qazaq tilin bilý deńgeılerin kórsetip qana qoımaı, ózderiniń shyǵarmashylyq ónerlerin kórsetti.

Baıqaý qorytyndysy boıynsha «Parasat» toby júldeli birinshi oryndy ıelendi. Qatysýshylar dıplomdarmen jáne estelik syılyqtarmen marapattaldy. Ári respýblıkalyq «Memlekettik til - memlekettik qyzmette» baıqaýyna qatysýǵa múmkindik aldy.