ASTANA. KAZINFORM — Qazaqstandyq tennısshi, WTA reıtıngisinde 1 465-orynda turǵan Sandýǵash Kenjebaeva juptyq synda Lýan (Qytaı) ITF W15 týrnıriniń fınalyna ótti.
Qazaqstandyq sportshy reseılik Marııa Kalıakınamen birge áýeli tartysty básekede qytaılyqtar ıAtszın Tsao — ıÝpın Vandy joldan taıdyrdy — 2:6, 7:5, 10:7.
Qazaqstandyq-reseılik jup shırek fınalda jarystyń 1-raketkalary, jergilikti tennısshiler Tszıaı Van — Ihan Vanǵa tap keldi.
Qarsylastarynyń favorıt bolǵanyna qaramastan, Sandýǵash pen Marııa bul joly da sýper taı-breıkte jeńisti julyp aldy — 6:2, 2:6, 12:10.
S.Kenjebaeva — M.Kalıakına jartylaı fınalda taǵy da qytaılyqtar Lınjý Ge — Sıao Tanmen sheberlik baıqasty.
Birinshi partııada 6:4 esebi tirkeldi. Ekinshi sette qazaqstandyq-reseılik dýet taı-breıkte sátti oınady — 7:6 (7:5).
Osylaısha, fınalǵa joldama alǵan Sandýǵash Kenjebaeva — Marııa Kalıakına sońǵy básekede Qytaı eliniń ókilderi Chen ıAn — Ma Josımen chempıondyq ataqty sarapqa salady.
Eske sala keteıik, budan buryn qazaqstandyq tennısshilerdiń Ispanııadaǵy týrnırdiń fınalynda oınaıtynyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).