Sandýǵash Dúısenovany tintýde polıtsııa qateligi bolsa, keshirim suraýǵa daıynbyz – ІІM

ASTANA. QazAqparat - Іshki ister mınıstriniń birinshi orynbasary Marat Qojaev polıtsııa qyzmetkerleriniń jýrnalıst Sandýǵash Dúısenovany sheshindirip tintýine qatysty túsinik berdi, dep habarlaıdy QazAqparat tilshisi.

«Qylmystyq is áli tergelip jatyr. Bizdiń qyzmetkerlerdiń is-áreketteriniń zańdylyǵyn prokýrorlar, odan keıin sot tekseredi. Sol jerde kemshilik anyqtalyp, qyzmetkerlerimiz mindetterin durys atqarmasa, sot úkimi shyqqannan keıin keshirim suraýǵa daıynbyz», - dedi Marat Qojaev Úkimet otyrysynan keıin BAQ ókilderiniń saýalyna oraı.

Eske sala keteıik, 11 tamyzda jetisýlyq jýrnalıst, azamattyq belsendi Sandýǵash Dúısenova ustalǵan edi.

Oǵan QR Qylmystyq kodekstiń 147-baby 5-bóligi boıynsha aıyp taǵylǵan. Bul bapta adamnyń jeke ómiri týraly aqparatty taratqandarǵa jaza qarastyrylǵan.

Keıin bosap shyqqan jýrnalıst ózin polıtseıler bólimshede sheshindirip, vıdeoǵa túsirgenin jetkizdi.

Osyǵan oraı Jetisý oblystyq Polıtsııa departamenti málimdeme jasap, nelikten vıdeoǵa túsirgenin túsindirdi.