Sanches Golovkınniń sýperorta salmaqqa aýysý sharttaryn aıtty
«Marvın Hagler barlyq jekpe-jekterin orta salmaqta ótkizgen. Bul onyń salmaǵy edi jáne odan eshkim joǵary kóterilýin suraǵan da joq. Golovkınge de basqa boksshylar sııaqty mansabynyń osy kezeńinde aıqasý úshin bir sebep bolýy kerek degen oıdamyn. Olarǵa ynta kerek. Eger eshqandaı ynta bolmasa, aınalasyndaǵy potentsıaldy qarsylastarynyń sany mańyzdy emes. Seni rýhanı tepe-teńdikten shyǵaratyn jigit qajet. Eger ondaı jigit sýperorta salmaqta paıda bolsa, Golovkın sonda kóteriledi. Bolmasa, orta salmaqta qala bermek», - dedi Abel Sanches.
«Mundaı jastaǵy boksshylar zalǵa kóp bara bergisi kelmeıdi. Múmkin, rejımniń eń qıyn bóligi osy shyǵar. Jekpe-jektiń ózi qıyn emes, eger Gennadıı yntalansa, zalǵa oralady. Biraq dál sondaı qarsylas sýperorta salmaqtan tabyla ma, joq pa - bilmeımin», - deıdi bapker.
Eske sala keteıik, Gennadıı Golovkın qyrkúıek aıynda Las-Vegastaǵy T-Mobile arenasynda Saýl Alvarespen kezdesedi. Boljamdarǵa qaraǵanda, sol jekpe-jek qazaqstandyq boksshyǵa 40 mln dollar shamasynda tabys ákeledi.