Sanches: Golovkın rıngte meniń úıretkenderimdi istep jatyr

NUR-SULTAN. QazAqparat - Qazaqstandyq kásipqoı boksshy Gennadıı Golovkınniń burynǵy bapkeri Abel Sanchestiń pikirinshe, boksshy budan keıingi aıqastarynda da meksıkalyq bapkerdiń úıretkeninen asyp túse almaıdy, dep habarlaıdy Sports.kz portaly Boxeomundial.com-ǵa silteme jasap.

«Golovkın rıngte meniń úıretkenderimdi isteı beredi. Bul Gennadıı Golovkın. Bul jigit bizdiń zaldan shyqqan ónim. Bálkim, Benks ekeýine ýaqyt qajet shyǵar. Biraq bir-eki jekpe-jek emes, bul protseske birneshe jyl qajet. Bapker óz stılin sińdirýi úshin ýaqytqa zárý», - deıdi Sanches.

Eske salaıyq, bıylǵy sáýir aıynda orta salmaqtaǵy burynǵy álem chempıony Gennadıı Golovkın meksıkalyq bapkeri Abel Sanchespen jumysyn toqtatqan bolatyn. GGG osyǵan qatysty málimdemesinde sypaıylyq saqtaǵan bolsa, A.Sanches BAQ-qa suhbatynda óz yzasyn jasyra almady.