Sanat Kóshkimbaev Ýkraınadaǵy jaǵdaıǵa qatysty pikir bildirdi
«Mundaı jaǵdaıda qurban bolǵandardy eskerer bolsaq, problemany sheshý - dıalog, kelissóz jáne dıplomatııalyq sheshimder arqyly júrgizilýień ońtaıly jol. Qazirdiń ózinde tek óana áskerı qyzmetshilerdiń emes, sonymen birge beıbit turǵyndardyń mert bolǵanyn kadrlardan kórip otyrmyz. Bul ınfraqurylymnyń kúıreýine alyp kelip, ekonomıkaǵa soqqy bolady», -dedi ol.
Sarapshy munyń barlyǵy taraptardy týyndaǵan problamany kelissóz ústeliniń basynda jedel sheshýge ıtermelýi tıistigin basa aıtty.
«Qazaqstan sanktsııalyq saıasatty qoldamaıdy. Sanktsııalardyń ózi janjal shıelenispeı turyp-aq jarııa bolǵan edi. Endigi ýaqytta reseılik ekonomıkamen baılanysty ekendimizge, Reseı negizgi saýda-ekonomıkalyq seriktestigimiz bolǵanyna oraı bul jaıttyń Qazaqstan ekonomıkasyna áseri bolatyndyǵy sózsiz. Degenmen, kútý qajet. Sanktsııalardyń barlyq túri áli iske qosylǵan joq. Sol sanktsııalar iske qosylǵanda jaǵdaı túsinikti bolady. Munyń ústine ol birneshe kún ǵana áser etpeıdi. Onyń uzaqmerzimdi sıpattaǵy áseri bar. Sondyqtan Reseı ekonomıkasy muny qabyldap, oǵan beıimdelýi tıis. Soǵan oraı bizge de áseri tıedi. Joǵaryda atap ótkenimdeı, bizdiń ekonomıkamyz ben Reseıdiń ekonomıkasy tyǵyz baılanysty, onyń ústine Eýrazııalyq ekonomıkalyq odaq ta bar», - dedi Sanat Kóshkimbaev.