Sanaqqa qatysýdan bas tartqandarǵa shara qoldanyla ma

NUR-SULTAN. QazAqparat – Sanaqqa qatysýdan bas tartyp, ózi týraly málimet bermegen azamattaǵa qarsy shara qoldanyla ma? Ortalyq kommýnıkatsııalar qyzmetinde ótken brıfıngide Ulttyq statıstıka bıýrosynyń basshysy Nurbolat Aıdapkelovke osyndaı suraq qoıyldy, dep habarlaıdy QazAqparat tilshisi.

«Jalpyulttyq sanaq kezinde ıntervıýerlerdiń anketa boıynsha qoıylǵan suraqtaryna jaýap berýden bas tartqandarǵa zańnamada norma qarastyrylǵan. Bul norma barsha statıstıkalyq aqparattardy usyný máselesin qozǵaıdy. Onyń ishinde halyq sanaǵy da bar. Biraq bul norma sanaq kezinde ózi týraly málimet usynýdan bas tartqan adamdarǵa qarsy eshqashan qoldanylyp kórgen joq. Biz barynsha úgit-nasıhat júrgizip, pikirin ózgertý baǵytynda jumysqa kúsh salamyz. Azamattarymyzdyń da bul iske sanaly túrde qaraıtynyna úmittenemiz. Sondyqtan, bul norma erteń qoldanylyp, bas tartqandardyń bárine aıppul salamyz desek, shyndyqqa janaspaıdy», - dedi bıýro basshysy.

Atalmysh sharada Nurbolat Aıdapkelov sanaq qorytyndysyn kimder kóre alatyny aıtqan bolatyn.

«Birinshiden, biz sanaq qorytyndysy boıynsha bazany óńdegennen keıin ony arnaıy kesteler boıynsha ınternettegi saıtymyzǵa salamyz. Biraq bazaǵa naqty talap boıynsha kirýge bolady. Basty talap – sanaq qorytyndysymen tanysqysy kelgen adam ǵylymmen aınalysatynyn dáleldeýi kerek. Sonymen birge ІR-servıs arqyly bizdiń júıege kirý múmkindigi bolýy kerek. Sol talaptardy saqtasa, deedıntıfıkatsııalyq mazmundaǵy bazaǵa kirýine bolady», - dedi vedomstvo basshysy.