Sanaq paraǵyna qandaı jańa suraqtar engizildi
Bul týraly Ulttyq statıstıka bıýrosynyń basshysy Nurbolat Aıdapkelov Úkimet otyrysynda aıtty.
Áýeli bıýro basshysy bıylǵy sanaqqa pandmıaımen, vaktsınamen baılanysty suraqtar qsoylyp otyrǵanyn atap ótti.
«Halyq sanaǵyn ótkizý úshin 91 suraqtan turatyn sanaq paraqtary ázirlendi. Olar úı sharýashylyqtarynda turatyn adamdar sany týraly, turǵyn úı jaǵdaılary týraly suraqtarǵa jaýap beredi. Úı sharýashylyǵynyń ár múshesi toltyratyn «Jeke» sanaq paraqtary jáne sheteldikter elde ýaqytsha júrgender úshin arnaıy sanaq paraqtary bar.
Sanaq paraqtaryna halyqtyń kóshi-qony, tirshilik qabiletin shekteý, pandemııanyń tabys deńgeıine áseri, koronavırýs ınfektsııasymen syrqattanýshylyq jáne halyqty vaktsınalaý týraly jańa suraqtar engizildi. Jumyspen qamtý, til meńgerý, meken jaǵdaıy jáne bala týý týraly suraqtardyń qatary keńeıtildi», - dedi Ulttyq staıstıka bıýrosynyń basshysy.
Sondaı-aq, ol halyq sanaǵyn júrgizý kezeńinde barlyq derekter birden shıfrlanǵan, qorǵalǵan túrde ortalyq serverge jiberilip otyratynyn eske saldy.
«Uıaly baılanys jelisi bolǵan jaǵdaıda serverge tikeleı planshet arqyly, uıaly baılanys jelisi nashar jerlerde jergilikti ákimdikter qosylǵan memlekettik organdardyń biryńǵaı kóliktik ortasy arqyly oflaın rejımde júzege asyrylady. Budan basqa barlyq aýmaqtyq statıstıka organdary qosylǵan IP VPN arnaıy jelisi boıynsha derekterdi jóneltý múmkindigi bar. Sanaq júrgizý kezinde azamattardan alynatyn barlyq shıfrlanǵan aqparat qorǵalǵan baılanys arnalary arqyly Ulttyq statıstıka bıýrosynyń ortalyq serverine beriledi. Onlaın sanaqtyń úzdiksiz jumysyn qamtamasyz etý sheńberinde rezervtik alań (QazCloud) uıymdastyrylǵan», - dedi Nurbolat Aıdapkelov.