Sán-saltanat salyǵyn esepteýdiń tıisti mejesi áli de naqtylanbady - mınıstr

ASTANA. QazAqparat – Qazirgi kezde jańa Salyq kodeksine sán-saltanat salyǵy týraly normany qosý máselesi talqylanyp jatyr. Bul týraly QR Premer-Mınıstriniń orynbasary – Qarjy mınıstri Erulan Jamaýbaev aıtty, dep habarlaıdy QazAqparat tilshisi.

«Sán-saltanat salyǵyna qatysty talqylaýlar júrip jatyr. Atap aıtqanda, bul talap jańa Salyq kodeksiniń jobasyna enetin bolady», - dedi E. Jamaýbaev Senatta tilshiler suraǵyna jaýap bere otyryp.

Onyń aıtýynsha, qazirgi kezde bul taqyryp jumys toptarynda qaralyp jatyr. Talqylaýǵa kásipkerler, Parlament depýtattary jáne memlekettik organdardyń ókilderi qatysyp otyr.

Qarjy mınıstri qazir sán-saltanat salyǵyn esepteýdiń tıisti mejesi áli de naqtylanbaǵanyn aıtty.

Budan buryn habarlanǵandaı, 2024 jyldan bastap sán-saltanat salyǵy týraly norma kúshine enedi.