Sán-saltanat salyǵy qandaı múlikke salynady

NUR-SULTAN. QazAqparat – QR Ulttyq ekonomıka mınıstri Álibek Qýantyrov sán-saltanat salyǵy qandaı múlikke salynatyndyǵyn aıtty, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda jýrnalıster mınıstrden sán-saltanatqa salyq qandaı múlikterge salynatyndyǵyn suraǵan bolatyn.

«Sán-saltanat nysany belgili bir joǵary quny, keı jaǵdaıda ınvestıtsııalyq quny bolady. Qunyna baılanysty gradatsııa júrgiziledi. Shartty túrdegi mysalmen aıtar bolsaq, bul - ıahtalar, sporttyq kólikter, sheteldegi vıllalar, jeke ushaqtar. Mine, dál osylarǵa sán-saltanat salyǵy salynatyn bolady», - dep jaýap berdi Álibek Qýantyrov.

Esterińizge sala ketsek, Memlekt basshysy bıylǵy Joldaýynda «sán-saltanatqa salyq» engizýdi tapsyrǵan bolatyn.

«Salyq reformasy aıasynda «sán-saltanatqa salyq» salýdy engizgen jón. Munyń orta tapqa qatysy joq, bul salyq tek asa qymbat jyljymaıtyn múlik jáne avtokólik satyp alǵan kezde salynady», - degen edi QR Prezıdenti.

Foto: ortcom.kz