San-Frantsısko qalasynyń bas ǵımaratynda Qazaqstan týy kóterildi

SAN-FRANTsISKO. QazAqparat - Qazaqstan Respýblıkasynyń Táýelsizdik kúnine oraı AQSh-taǵy San-Frantsısko qalasynyń ákimshilik ǵımaratynda ánurannyń súıemeldeýimen elimizdiń memlekettik týyn kóterý rásimi ótti, dep habarlaıdy QazAqparat QR SІM baspasóz qyzmetine silteme jasap.

San-Frantsıskonyń meri London N. Brıd osy kúndi qalada AQSh pen Qazaqstan arasyndaǵy dostyq kúni retinde jarııalaý týraly qujatqa qol qoıdy.

«Byltyr bastalǵan bul is shara AQSh-tyń batys jaǵalaýynda jyl saıynǵy ádetke aınalyp keledi. Bul eki el arasyndaǵy saıası, mádenı yntymaqtastyqty nyǵaıtyp, halyqtar arasyndaǵy dostyqty arta túsiretinin aıta ketken jón», delingen habarlamada.