«Samuryq-Qazynanyń» top-menedjerleri qysqarady

ASTANA. QazAqparat - «Samuryq-Qazyna» ál-aýqat qorynyń túzetilgen damý strategııasy naýryz aıynda daıyn bolady. Bul týraly búgin Úkimet otyrysynda atalǵan qordyń basqarma tóraǵasy Ahmetjan Esimov aıtty, dep habarlaıdy QazAqparat.

«Prezıdent kelesi tapsyrmalardy berdi. Birinshisi - qordy basqarý jónindegi keńestiń qaraýyna túzetilgen  damý strategııasy men transformatsııa baǵdarlamasyn engizý. Strategııa naýryzda, trasformatsııa boıynsha baǵdarlama aqpan aıynyń sońynda daıyn bolady.  Arnaıy ekonomıkalyq aımaqtar boıynsha bizde Taraz ben Atyraýda eki joba bar. Eki joba da tapsyrmaǵa sáıkes zerdelenip jatyr, qorytyndysy boıynsha usynys engizetin bolamyz»,-  dedi Ahmetjan Esimov.

Onyń aıtýynsha, qordy ońtaılandyrý jáne odan beıindi emes aktıvterdi shyǵarý boıynsha eń aldymen onyń basqarý deńgeıi qysqartylady. Aktıvterdiń bir bóligi jekeshelendirý baǵdarlamasy arqyly satylady.

«Aǵymdaǵy jyly 61 aktıvti satý josparlanǵan. Onyń bireýi satyldy. 16-sy aıaqtalý kezeńinde tur. 44-i boıynsha aǵymdaǵy jyly satý merzimi kórsetile otyryp, jan-jaqty jol kartasy  jasaldy. ІRO-ǵa shyǵarylatyn 3 kompanııaǵa qatysty máseleler bar. Biraq bekitilgen kestege sáıkes jumys júrgizilip jatyr», - dedi qor basshysy.