Samuryq-Qazynanyń iri aktıvteri jaqyn ýaqytta ashyq kompanııalarǵa aınalady - Prezıdent

ASTANA. QazAqparat – Memleket basshysy Qasym-Jomart Toqaev elde tirkelgen sheteldik dıplomatııalyq mıssııalardyń basshylarymen dástúrli kezdesýinde olardy «Samuryq-Qazyna» qorymen belsendi is-áreket jasaýǵa shaqyrdy, dep habarlaıdy QazAqparat Aqordaǵa silteme jasap.

Prezıdent sheteldik mıssııa basshylaryn 70 mıllıard dollar kóleminde aktıvi bar álemniń 30 iri táýelsiz qorynyń qataryna kiretin «Samuryq-Qazyna» qorymen ózara belsendi is-áreket jasaýǵa shaqyrdy.

«

Qazirgi ýaqytta Qor ashyqtyq pen tıimdilikti arttyrý úshin keshendi túrde transformatsııalanyp jatyr. Osy rette Qordyń portfeldik kompanııalaryn jekeshelendirý – negizgi bastamalardyń biri. Ulttyq munaı kompanııasy, áýekompanııasy jáne temirjol kompanııasy sııaqty Qordyń iri aktıvteri jaqyn ýaqytta ashyq kompanııalarǵa aınalady. Munaı salasyndaǵy jetekshi «QazMunaıGaz» kompanııasy bıyl kúzde Qazaqstanda IPO ótkizedi», - dedi Prezıdent.

Foto: akorda.kz