«Samuryq-Qazynany» jańǵyrtpaı eldiń ekonomıkasyn jańǵyrtý múmkin emes
«QR Prezıdenti - Ult kóshbasshysy Nursultan Ábishuly Nazarbaev álemniń damyǵan 30 eliniń qataryna kirý jónindegi jańa strategııalyq baǵdar belgilep berdi. Bizdiń barlyǵymyz da bul mindetti júzege asyrýda eń birinshi kezekte jeke, sonymen qatar memlekettik kompanııalardyń tıimdiligin arttyrý qajet ekendigin túsinemiz», - dedi Ó.Shókeev.
Qor basshysynyń sózine qaraǵanda, «Samuryq-Qazyna» memlekettiń iri strategııalyq aktıvterdiń basyn qosyp otyrǵan qor bolyp sanalady. Qordyń jalpy aktıvteriniń quny 16 trln. teńgeni quraıdy. Bul shamamen 100 mlrd. dollarǵa jýyq.
«Biz 350 myńnan astam adamǵa jumys berýshi bolyp tabylamyz. Eldegi barlyq ınvestıtsııalardyń tórtten biri qor tobymen júzege asyrylýda. Sondyqtan da «Samuryq-Qazynany» jańǵyrtpaı eldiń ekonomıkasyn tolyǵymen jańǵyrtý múmkin emes», - dedi Ó.Shókeev.