«Samuryq-Qazynaǵa» jumysqa turǵysy kelgen 27 adam jalǵandyqty anyqtaıtyn detektordan óte almady
«Byltyrdan bastap basshylyq qyzmetke úmitkerler taǵaıyndalmas buryn jalǵandyqty anyqtaıtyn detektordan ótýi mindettelgen. Mundaı tekseristen satyp alý jumysyna qatysy bar mamandar ótedi. Bul jańashyldyq únemi BAQ nazarynda boldy. Búgin sizder úshin jańa statıstıkalyq málimetter usynaıyn. Byltyr «Samuryq-Qazyna» tobyndaǵy 52 kompanııaǵa jumysqa turýǵa ótinish bildirgen 133 úmitker jalǵandyqty anyqtaıtyn detektory arqyly synaqtan ótti. 27 adam bul synaqtan óte almaı, jumysqa qabyldanbady», - dedi Ǵıbrat Aýǵanbaev baspasóz máslıhaty barysynda.
Onyń atap ótýinshe, jańa kadrlyq saıasat tek basshylarǵa ǵana emes, qarapaıym qyzmetkerlerge de qatysty.
«Bizdiń basymdyǵymyz – ashyqtyq pen barlyǵyna teń múmkindik. Byltyr Samruk Qyzmet biryńǵaı rekrýtıng portaly tolyqqandy jumysyn bastady. Bir jyl ishinde portal arqyly ótinish bergenderdiń sany 60 paıyzǵa ósip, 134 myńǵa jetti», - dedi ol.