«Samuryq-Qazynaǵa» qarasty kompanııalardyń satyp alý sharalarynda zańsyzdyqtar anyqtaldy – Komıtet basshysy

ASTANA. QazAqparat – Saýda jáne ıntegratsııa mınıstrligi Tehnıkalyq retteý jáne metrologııa komıtetiniń keńeıtilgen alqa májilisinde vedomstvo basshysy Qýanysh Elikbaev «Samuryq-Qazyna» tobyna qarasty kompanııalardyń satyp alý sharalarynan zańsyzdyqtar áshkerelegenin málim etti, dep habarlaıdy QazAqparat tilshisi.

Komıtet tóraǵasynyń aıtýynsha, zańsyzdyq jeńil ónerkásip ónimderin satyp alý sharalarynan anyqtalǵan.

«Samuryq-Qazyna» kompanııalar tobynyń satyp alý sharalaryna jeńil ónerkásip ónimderin satyp alý mysalynda taldaý júrgizildi. Bizdiń oıymyzsha, zań buzýdyń orasan mólsheri áshkere boldy – mysaly, Ulttyq standarttaý júıesiniń sertıfakattary bolmaǵan, sertıfıkattardyń satyp alynǵan taýarǵa qatysy bolmaı shyqqan, keıde tipti tehnıkalyq sıpattamada sheteldik fırmalar tikeleı jazylǵan. Materıaldar Úkimetke joldandy», - dedi komıtet basshysy.