«Samuryq-Qazynada» satyp alýlardyń jańa tártibi qalaı iske asyrylady
«Samuryq-Qazynanyń» satyp alýlaryn júzege asyrýdyń jańa tártibin qoǵammen talqylaý úshin qujattyń jobasy resmı veb-saıtta jarııalandy. Bul bastama Qordyń kompanııalar tobynda satyp alýlar úderisin ashyq, jarııaly túrde ári qoljetimdi etý úshin iske asyrylýda. QR Qarjy mınıstrliginiń usynysymen, satyp alýlardyń jańa tártibiniń jobasy satyp alýlardyń barlyq protsedýralaryn qamtıdy, ózge qujattarǵa siltemesi joq. Demek, tikeleı qoldanylatyn qujat bolyp sanalady», - delingen qordyń málimetinde.
Mańyzdy ózgeristerdiń biri retinde bir kózden satyp alýǵa negiz bolatyn faktorlardy barynsha azaıtýdy atap ótýge bolady. Budan bólek, holdıng ishinde satyp alýlardy tolyǵymen alyp tastaý kózdelip otyr.
Baqylaý sharalarynyń ashyqtyǵyn qamtamasyz etý maqsatynda baqylaý Erejesiniń jobasyna usynys retinde baqylaý nátıjelerin arnaıy aqparattyq júıe – shaǵymdar reestrine ornalastyrý kózdelgen. Qazirgi tańda portalda shaǵymdardy qaraý tártibi iske asyrylǵan.
Al, shaǵymdanýshylar ózderiniń aryzdarynyń qaralý protsesin, oryndaýshynyń aty-jóni men sheshim shyǵarý merzimderi sııaqty barlyq aqparatty onlaın túrde kóre alady. 26 qańtar kúni «Atameken» ulttyq kásipkerler palatasynyń alańynda satyp alýlardy reformalaý boıynsha onlaın-konferentsııa uıymdastyryldy. 27-shi qańtarda Qordyń Basqarma tóraǵasy A.M. Sátqalıev bıznes-qoǵamdastyq ókilderimen ashyq onlaın-konferentsııa ótkizdi. Onda «Samuryq-Qazyna» AQ satyp alýlar júıesin jetildirý máselesi jan-jaqty pysyqtaldy.
Qordyń satyp alýlary, ıaǵnı josparlaýdan bastap, kelisimshartty jasasý jáne ony oryndaýǵa deıin satyp alýlardyń veb-portalynda avtomatty túrde júzege asyrylady. Ol barlyq múddeli tulǵalar úshin qoljetimdi jáne «Atameken» UKP-nyń Biryńǵaı satyp alýlar terezesimen ıntegratsııalanǵan. Bıznes-qoǵamdastyqtyń jáne azamattyq qoǵam belsendileriniń Qordyń satyp alýlar júıesin jetildirý boıynsha barlyq usynystary arnaıy ashylǵan usynys@sk.kz elektrondy poshtasyna da qabyldanady. Atalǵan poshtaǵa azamattardan shamamen 400 usynys kelip tústi. Sonyń júzden astamy satyp alýlar máselesine arnalǵan. Barlyq usynystar júıelendirilip, saraptalyp, bıznes-qoǵamdastyqpen, «Atameken» UKP jáne múddeli memlekettik organdarmen talqylanýda.
Pikir almasý nátıjesinde, ári qaraı Qarjy mınıstrligi jáne Básekelestikti qorǵaý jáne damytý agenttigimen kelisilgen soń, Satyp alýlardyń jańa tártibi qabyldanady. Qordyń satyp alýlar júıesin damytý Prezıdenttiń tapsyrmalaryna sáıkes ári qaraı jalǵastyrylatyn bolady jáne eń aldymen, otandyq bıznesti damytýǵa baǵyttalady.