«Samuryq-Qazynada» qyzmetkerler sanyn qysqartý júrgizilip jatyr
Buǵan qosa holdıngtiń ishki qorlaryn anyqtaý úshin top ishindegi kooperatsııa esebinen shyǵyndardy qysqartý Baǵdarlamasy maquldandy. Osyǵan sáıkes Qor kompanııalarynyń toby ishinde naryqtyq jaǵdaıda taýar men qyzmet túrlerin satyp alý kólemin ulǵaıtý, Qor toby boıynsha ortalyqtandyrylǵan satyp alýlar arqyly baǵalardy tómendetý múmkindikterin paıdalaný syndy is-sharalar iske asyrylmaq. Nátıjesinde tek munaı ónimderin satyp alýǵa baılanysty top ishindegi kooperatsııany engizýden ǵana jyldyq ekonomıkalyq áser 6 mlrd. teńgege jetedi, dep habarlandy «Samuryq -Qazyna» aqparattyq-taldamaly portalynda.
Kompanııalardyń uzaq merzimdi qunyn kóterý úshin qolǵa alynǵan jumys baǵyttarynyń biri - aktıvterdi qaıta qurylymdaý. Qor fýnktsıonaldyq taldaý júrgizip, qorytyndysy boıynsha Qor kompanııalar tobynyń aktıvterin qaıta qurylymdaý jónindegi is-sharalardyń tıisti Josparlaryn bekitken. Josparǵa saı 560 kásiptik emes aktıv pen nysandy qaıta qurý, naryqqa shyǵarý nemese ortalyq jáne jergilikti memlekettik organdarǵa berý kózdelgen. 1 qyrkúıekke deıin is júzinde shyǵarylǵan aktıvter men nysandardyń sany 400-den astam, 2013-2015 jyldary taǵy 150-ge jýyǵy joıylmaq.
Sonymen birge basqarý dırektory N.Rahmetov bıyl Qor kompanııalar tobynda 2356 ákimshilik qyzmetkerdiń jumystan bosatylatyny týraly jarııalady. Bul jumys Memleket basshysynyń 2012 jyldyń 27 qańtarynda ótken Úkimettiń keńeıtilgen otyrysynda bergen basqarý holdıngteri men ulttyq kompanııalardyń basqarý apparattarynyń qurylymdaryn ońtaılandyrý týraly tapsyrmalaryn oryndaý maqsatynda qolǵa alynǵan.
2012 jyly Qor kompanııalarynyń tobynda 2210 birlik qysqartyldy. Nátıjesinde ótken jyldyń qorytyndysy boıynsha ákimshilik-basqarý ujymy 29790 adamdy qurady, al eńbek aqysyna jumsalatyn shyǵyndar 7 mlrd. teńgege qysqarǵan.
Shyǵyndardy azaıtý jónindegi is-sharalardyń barlyǵy operatsııalyq tıimdiliktiń strategııalyq kórsetkishiniń ońtaıly qozǵalysyna yqpal etti: Qor toby boıynsha EBITDA margin (ekinshi deńgeıli bankterdi eseptemegende) 2011 jyly tirkelgen 17,8% 2012 jyly 19,3% deıin ósti, al 2013 jyldyń I jartyjyldyǵynda 22,2% qurady.
Basqarma sonymen qatar Qor tobynda korporatıvti basqarýdy jetildirýge baǵyttalǵan birqatar qujattardy qarastyrdy. Atap aıtqanda, basqosýda Qordyń enshiles uıymdaryn basqarý jónindegi Reglament, «Samuryq-Qazyna» AQ 2014 jylǵa arnalǵan Korporatıvti kúntizbesi, jáne aktsııa ıelenýshi retinde Qordyń dırektorlar keńesinen, enshiles kompanııalardyń baqylaý keńesterinen 2014 jyly kútetin Boljaldary usynyldy.
Joǵaryda kórsetilgen qujattar Ekonomıkalyq yntymaqtastyq jáne damý uıymy elderiniń korporatıvti basqarýǵa qatysty tájirıbesi negizinde ázirlendi. Olar Qordyń aktsııa ıelenýshi retinde kompanııalarmen qarym-qatynasyn júıelendirýge baǵyttalady, árekettestiktegi barlyq úrdisterdiń ózara baılanysyn kompanııalardy basqarý aınalymy turǵysynan sıpattaıdy, jáne dırektorlar keńesteriniń ýákildikterin jáne jaýapkershiligin kúsheıtýge, ári Qordyń strategııalyq holdıng úlgisine ótýine jaǵdaı jasaıdy. Bul bastamalar Qor tobynda korporatıvti basqarýdy jetildirýde úlken qadam bolyp tabylady.
Basqarma sonymen birge birinshi jartyjyldyqta «Samuryq-Qazyna» AQ damý Strategııasyn júzege asyrý jónindegi is-sharalar josparynyń oryndalý nátıjelerimen tanysty. Atalmysh jospar Qor tobynyń sheńberinde júıeli sharalardy, 11 iri enshiles uıymnyń strategııalyq kórsetkishteri men ınvestıtsııalyq jobalaryn qamtıdy. Esepke sáıkes, 6 aıdyń ishinde 217 is-shara júzege asty. Sonyń ishinde taza kiris boıynsha jospardyń artyǵymen oryndalýyn, EBIDTA margin jáne aktıvterdi qaıta qurylymdaý, shyǵyndardy azaıtý, elektrondy satyp alý júıesin engizý, qyzmetkerlerdi yntalandyrýdyń tıimdi júıesin qurý syndy mańyzdy bastamalardyń merziminen keshiktirmeı atqarylýyn erekshe atap ótken jón.