«Samuryq-Qazyna» jyljymaıtyn múlik qory «Qarjy sektoryndaǵy úzdik jyldyq esep» nomınatsııasynda jeńimpaz atandy
Jyldyq esepte eseptik kezeńdegi negizgi oqıǵalar men kórsetkishter kórsetilip, qarjy-ekonomıkalyq kórsetkishterge taldaý berilgen, qyzmettiń negizgi baǵyttary boıynsha jumys nátıjeleri aıqyn kórinis taýyp, korporatıvtik basqarý (sonyń ishinde táýekelderdi taldaý) týraly aqparat keltirilgen, ornyqty damý aspektileri týraly aqparat kórsetilgen.
«Samuryq-Qazyna» jyljymaıtyn múlik qory» AQ qarjy sektoryndaǵy úzdik jyldyq esepterdiń short-paraǵyna dástúrli enip, birqatar ólshemder boıynsha Qazaqstandaǵy úzdik tájirıbe úlgisin tanytyp keledi. Esep kompanııa týraly jáne onyń atqarǵan jumystary jaıly jetkilikti málimet beredi. Aqparattyń aıqyn ashylýymen qatar, jyldyq eseptiń klassıkalyq bólimderinde Qordyń ornyqty damý salasyndaǵy qyzmetine arnalǵan sapaly toptama usynylǵan. Esep qarjy qyzmetteri sektoryna arnalǵan ǵalamdyq bastamalardy ornyqty damytý (GRI, 3.1-nusqa) salasyndaǵy eseptilik jónindegi jetekshilik talaptarǵa jáne qarjylyq qyzmetter sektoryna arnalǵan jetekshiliktiń salalyq qosymshalaryna sáıkes daıyndalǵan. Qujat «S» qoldaný deńgeıi ólshemderine saı. Esepti qurý kezinde múddeli taraptardyń qyzyǵýshylyqtary, Qor úshin eleýli aspektiler jáne kompanııa qyzmetiniń qorshaǵan ortaǵa áserine baılanysty negizgi aspektileri (ekonomıkalyq, áleýmettik jáne ekologııalyq aspektiler) eskerilgen» «Ekspert RA Kazahstan» jýrnaly, №48, 14 jeltoqsan, 2015 jyl.
«Keıbir kompanııalar 2015 jyly ózderiniń jyldyq esepterin damytý boıynsha aıtarlyqtaı jumys jasaǵan - bul kontentpen qosa, dızaınnan da seziledi. Osynyń nátıjesinde bıyl kóshbasshylar tizimi edáýir jańardy. Konkýrs jeńimpazdary atanǵan kompanııalar búgingi tańda jyldyq esep jasaýdyń Qazaqstandaǵy úzdik tájirıbesin kórsetip otyr», - dep, atap ótti jobanyń ǵylymı jetekshisi Vasılıı Kalabın.
«Jyldyq esepter konkýrsy - 2015» baıqaýynda 13 kompanııa júldeger atandy.