«Samuryq-Qazyna» jyljymaıtyn múlik qory» AQ-na jańa basshy taǵaıyndaldy

ASTANA. QazAqparat - 2016 jylǵy 1 aqpannan bastap «Samuryq-Qazyna» jyljymaıtyn múlik qory» AQ Basqarma tóraǵasy Bolat Palymbetov óz qalaýy boıynsha qyzmetinen bosatyldy. Dırektorlar keńesiniń sheshimi boıynsha onyń ornyna Baýyrjan Mamytalıev taǵaıyndaldy, dep habarlady «Samuryq-Qazyna» jyljymaıtyn múlik qory» AQ-nyń baspasóz qyzmetinen.

B.D. Mamytalıevtiń MVA dárejesi, ekonomıkalyq jáne zańgerlik bilimi bar. memlekettik organdarda, qarjy ınstıtýttarynda, ulttyq kompanııalarda, iri jeke menshik kompanııalarda jaýapty jáne basshylyq qyzmetter atqardy. Jyljymaıtyn múlik qorynyń Basqarma tóraǵasy qyzmetine taǵaıyndalǵanǵa deıin «Samuryq-Qazyna» jyljymaıtyn múlik qory» AQ Basqarma tóraǵasynyń orynbasary bolyp qyzmet etti.

Atap ótken jón, Jyljymaıtyn múlik qory Daǵdarysqa qarsy baǵdarlamany iske asyrýdy tolyq aıaqtady. Baǵdarlama aıasynda 1 mln sharshy metrge jýyq turǵyn jáne kommertsııalyq jaılar paıdalanýǵa berilip, úsh myńnan astam otandyq úleskerdiń máselesi sheshildi.
Óńirlerdi damytýdyń 2020 jylǵa deıingi baǵdarlamasyn iske asyrý sheńberinde elimizdiń 10 óńirinde 12 turǵyn úı qurylysy jobasy boıynsha qarjylandyrý sharttary jasaldy, olardyń jalpy aýdany 535 myń sharshy metr, sonyń ishinde Jyljymaıtyn múlik qoryna tıesili bóligi - shamamen 423,7 myń sharshy metr. Búgingi tańda (2013-2015 jyldary) jalpy aýdany 393,5 myń sharshy metrge jýyq 9 nysan paıdalanýǵa berildi, sonyń ishinde 314 myń sharshy metrden astamy Jyljymaıtyn múlik qoryna tıesili.