«Samuryq-Qazyna» tobynyń quramyna kiretin damý ınstıtýttarynyń atqarǵan sharýalaryna arnalǵan shara ótedi

ASTANA. Sáýirdiń 16-sy. QazAqparat - Sáýirdiń 19-y kúni Astanada «Samuryq-Qazyna» qory tobynyń quramyna kiretin damý ınstıtýttarynyń atqarǵan sharýalaryn qorytyndylaǵan dóńgelek ústól ótedi, dep habarlaıdy QazAqparat.

«Samuryq-Qazyna» qory baspasóz qyzmetiniń málimetinshe, forýmda damý ınstıtýttarynyń Qazaqstan ekonomıkasyn qoldaý sharalarynyń qorytyndylary: ne istelindi, ekonomıkaǵa qalaı áser etti, ári qaraı jumysty jandandyrý úshin ne isteý kerek degen saýaldar boıynsha talqylaýlar bolady. Sharaǵa belgili ekonomıster men sarapshylar, onyń ishinde damý ınstıtýttary jumysyn synap júrgen sarapshylar, bıznes qaýymdastyqtyń damý ınstıtýttarymen jumys istep júrgen ókilderi qatysady. Qor tarapynan: Basqarýshy dırektor-Basqarma múshesi Qaırat Aıtekenov, «Qazaqstan Damý banki», «Kazyna Capital Managment», «Damý» kásipkerlikti Damytý Qory», «Kaznex» eksportty shyǵaratyn korporatsııasy, «Qazaqstan Investıtsııalyq Qory» basshylary qatysady.