«Samuryq-Qazyna» sporttyq jobalardy qarjylandyrý kólemin eleýli deńgeıde qysqartpaq

ASTANA. QazAqparat - «Samuryq-Qazyna» ulttyq ál-aýqat qory» AQ sporttyq jobalardy qarjylandyrý kólemin eleýli deńgeıde qysqartpaq. Bul týraly búgin Ortalyq kommýnıkatsııalar qyzmetindegi baspasóz máslıhatynda atalǵan Qordyń basqarýshy dırektory Darhan Káletaev málim etti.

«Sport jobalaryna toqtalatyn bolsaq, árıne, qarjylyq qysqartý bolady. Degenmen de, jobalar jabylady degen áńgime joq. Biraq, óte kóp kólemde qysqartýlar engizilip jatyr»,-dedi D. Káletaev.

Osy oraıda «Samuryq-Qazyna» qorynyń aktsıoneri QR Úkimeti bolyp tabylatynyn eske salyp ótken ol: «Qazirgi kezde Úkimet basshylyǵymen sporttyq jobalarǵa qandaı kólemde qarjy bólý turǵysynda tıisti talqylaýlar júrigizip jatyr. Biraq qomaqty kólemde qysqartý bolatyny anyq»,-dedi.

Esterińizge sala keteıik, Qor birqatar sporttyq jobalardy qarjylandyrýǵa óz úlesin qosýda. Onyń aıasynda «Astana» prezıdenttik kásibı sport klýby qamtylǵan. Klýb - elimizdiń tanymal sporttyq jobalaryn, sonyń ishinde «Astana» velokomandasyn, «Astana» fýtbol klýbyn, «Astana Arlans» kásibı boks klýbyn, «Barys» hokkeı klýbyn jáne basqalaryn toptastyrǵan joba.