«Samuryq-Qazyna» sheteldik top-menedjerlerden arylyp jatyr

ASTANA. QazAqparat – «Samuryq-Qazyna» qory sheteldik top-menedjerlerden arylyp jatyr. Bul týraly «Samuryq-Qazyna» qorynyń qoǵammen baılanys, áleýmettik-eńbek qatynasy jáne eńbekti qorǵaý jónindegi basqarýshy dırektory Ǵıbrat Aýǵanov aıtty, dep habarlaıdy QazAqparat tilshisi.

«2022 jyly «Samuryq-Qazyna» qorynyń basshylyq quramynda óte mańyzdy ózgerister boldy. Basqarýdy dırektorlar 2 esege qysqardy, qalǵan bes basqarýshy dırektordyń úsheýi aýysty. Búgingi tańda prezıdenttik kadr rezerviniń 3 múshesi basqarýshy dırektor bolyp otyr. Sonymne qatar bir jyldyń ishinde Qor tobyndaǵy 12 iri óndiristik kompanııanyń 8-ine jańa basshy taǵaıyndaldy. Olar: «QazMunaıGaz», «QazaqGaz», «Qazatomónerkásip», «Samuryq-Energo», «Qazposhta», «Qazaq Air», «Taý-Ken Samuryq», «Samuryq-Qazyna Óndeý», - dedi Ǵıbrat Aýǵanbaev baspasóz máslıhaty barysynda.

Onyń atap ótýinshe, basshylyq qyzmetke Qazaqstan mamandaryn taǵaıyndaý baǵytynda da belsendi jumys júrgizilip jatyr.

«Byltyr «Samuryq-Qazyna» tobyndaǵy kompanııalardaǵy 10 sheteldik basshynyń ornyn jergilikti mamandar basty. Máselen, tarıhta alǵash ret «Qazaq Air» áýe kompanııasynyń basshysy bolyp Erkin Naýryzbaev taǵaıyndaldy. «Jolaýshylar tasymaly» AQ-ty Jánibek Taıjanov basqarsa, «Air Astana» áýe kompanııasynyń bortta qyzmet kórsetý jónindegi vıtse-prezıdenti bolyp Elena Obýhova qyzmetke kiristi. Dırektorlar keńesi men baqylaý keńesteriniń quramyndaǵy sheteldikterdiń sany da azaıyp keledi. Bir jyl ishinde 23-ten 14 adamǵa, ıaǵnı 40 paıyzǵa qysqardy», - dedi ol.