«Samuryq-Qazyna» paralımpıadashylardy qoldaýǵa 70 mıllıon teńge bóldi

ASTANA. 16 sáýir. QazAqparat - Búgin Astanada "Samuryq-Qazyna" ulttyq ál-aýqat qory jáne Qazaqstannyń Paralımpıadalyq komıteti múmkindigi shekteýli sportshylardy qoldaý jáne múgedekter arasynda dene shynyqtyrý mádenıetin jáne sportty dáripteý sheńberinde ózara is-áreket týraly memorandýmǵa qol qoıdy.

«Bizde paralımpıada qozǵalysy tómengi deńgeıde. Sondyqtan kómek jasaıyq dep sheshtik. Bizdiń elimizde 15 myńǵa jýyq múgedek sportpen aınalysady. Osy adamdarǵa paıda úshin emes, qoldaý maqsatymen úlken baǵdarlama jasaqtadyq. Jáne ony paryz retinde atqarýdamyz. Qazirgi ýaqytta olardyń daıyndyqtaryna, sporttyq jaraqtaryn satyp alýǵa qarjylaı kómekti bastadyq. Paralımpıada komıtetine 70 mıllıon teńgeden astam qarajat bólindi», - dedi "Samuryq-Qazyna" AQ basqarýshy dırektory Darhan Qaletaev.

Qordyń qoldaýynyń arqasynda 2012 jyly Ulttyq Paralımpıadalyq komıtet paýerlıftıng, jeńil atletıka, júzý sport túrleri boıynsha oqý-jattyǵý jıyndaryn ótkizgen. Sonyń kúshimen sportshylar tolyq jabdyqtalyp, lıtsenzııalyq mańyzy bar jarystarǵa qatysýyna serpin berdi.

2013 jyly 15 halyqaralyq jarys ótkizilmek. Aldymyzda Sochı Olımpıadasy da bar.

Jıyn barysynda sonymen qatar Qazaqstandaǵy paralımpıadalyq qozǵalystyń bas demeýshisi - "Samuryq-Qazyna" qorynyń atynan Darhan Qaletaev 10 sportshyǵa qazirgi zamanǵy arba tabys etti.