«Samuryq-Qazyna» óziniń enshiles kompanııasymen sottasýda

ASTANA. 5 maýsym. QazAqparat - 10 maýsym kúni «Samuryq-Qazyna» AQ óziniń enshiles kompanııasy bolyp tabylatyn «SK-Farmatsııaǵa» qatysty bergen aryzy boıynsha sot protsesi bastalady.

Bul týraly búgin Astanada halyqaralyq konferentsııa barysynda «FarmMedIndýstrııa» qaýymdastyǵynyń prezıdenti Serik Sultanov málim etti.

«Búgingi tańda biz úlken máselege urynyp otyrmyz. «Samuryq-Qazyna» AQ 6 uzaqmerzimdi kelisimdi buzý qajettiliginen óziniń enshiles kompanııasy bolyp tabylatyn «SK-Farmatsııaǵa» qatysty sotqa aryz bergen. Sot protsesi 10 maýsymda ótedi», - dedi S.Sultanov.

Onyń sózine qaraǵanda, atalmysh kelisimder «Nobel Almaty Farmatsevtıkalyq Fabrıkasy», «Abdı Ibrahım Global Farm», «Romat» farmatsevtıkalyq kompanııasy, «Pavlodar farmatsevtıkalyq zaýyty», «Medıkal Farm «Cha-Kýr» kompanııalarymen jasalǵan. Qazirgi ýaqytta «Nobel Almaty Farmatsevtıkalyq Fabrıkasy», «Abdı Ibrahım Global Farm», «Romat» farmatsevtıkalyq kompanııasy arasyndaǵy sharttar buzylýda.

«Samuryq-Qazyna» AQ óziniń aryzyn kelisimniń durys jasalmaǵandyǵymen túsindirýde. Sharttar baqylaýshy keńestiń sheshiminsiz jasalǵan. Men sot ne úshin qajet ekendigin túsinbeımin. Óziniń enshiles kompanııasymen birge kelisip otyryp, atalǵan olqylyqtardy túzetýge bolar edi. Búginde shetel ınvestorlary qobaljýda, sebebi aýqymdy qarajattar tartylǵan. Máselen, Túrkııanyń «Abdı Ibrahım Global Farm» kompanııasy 60 mln. dollar, «Nobel» 25 mln. dollar ınvestıtsııa salǵan. Buǵan qaramastan, ınvestorlar Qazaqstan Prezıdentine senedi jáne bul keleńsizdikter sheshimin tabatynyna senedi», - dep atap kórsetti S.Sultanov.