«Samuryq-Qazyna» órtten zardap shekkenderge 200 mln teńge bóldi

ASTANA. QazAqparat – «Samuryq-Qazyna» Abaı oblysynda órtten zardap shekkenderge 200 mln teńge bóldi. Bul týraly qor basshysy Nurlan Jaqypov málimdedi, dep habarlaıdy QazAqparat.

Qarajat evakýatsııalanǵan eldi meken turǵyndaryna, sondaı-aq órtti sóndirýge tartylǵan mamandarǵa gýmanıtarlyq kómek retinde beriledi jáne Samruk-Kazyna Trust korporatıvtik qaıyrymdylyq qory arqyly aýdarylady.

«Búkil Qazaqstan orman órti órship turǵan Abaı oblysyndaǵy otandastarymyz úshin alańdaýly. Memleket basshysy azamattarǵa jan-jaqty kómek kórsetýdi tapsyrdy. Biz ulttyq ál-aýqat qory retinde tasada qala almaımyz», - dep jazdy Nurlan Jaqypov Twitter-degi paraqshasynda.