«Samuryq-Qazyna» qyzmetterdi ortalyqtandyrý esebinen 300 mlrd. teńge únemdemek
Bul týraly búgin Parlament Májilisinde Qordyń basqarma tórǵasy Ómirzaq Shókeev málim etti, dep habarlaıdy QazAqparat.
«Bizdiń qadamdar halyqaralyq standarttarǵa sáıkes kelip otyr jáne tıisti jumystardy aýtsorsıngke bólýdemiz. Bizdiń oıymyzsha, kadrlyq jumystardyń basym bóligi standarttalǵan rásimder, sondyqtan da barsha kompanııalarǵa qyzmet kórsetýdiń birikken bir ortalyǵynda qyzmet kórsetiledi. Mysaly, kadrlyq qyzmettiń korporatıvti ortalyǵynda bizde úsh adam qalady»,-dedi Shókeev «Samuryq-Qazyna» AQ-da memlekettik resýrstardy qoldanýdyń tıimdiligi týraly» atty dóńgelek ústel otyrysynda.
Onyń sózine qaraǵanda, suhbattasý, saýalnama ótkizý, testileý sekildi barlyq qalǵan jumystar ortalyqtandyrylyp iske asyrylady.
«Barlyq kompanııalarymyzǵa osy ortalyqta qyzmet kórsetiledi. Bundaı ortalyqtandyrylý býhgalterııada, qarjylyq, zańgerlik bólimderdi jáne ІT salada qamtylady. Atap aıtqanda, bul halyqaralyq standart pen aldyńǵy qatarly tájirıbege súıene otyryp jasalýda»,-dedi basqarma tóraǵasy.
Onyń atap ótýinshe, bul baǵytta tıisti esepteýler júrgizilgen, barlyq enshilis kompanııalar boıynsha baǵalaýlar júzege asyryldy. Osy oraıda 2020 deıin «Samuryq-Qazyna» 300 mlrd. teńgeni únemdeýdi josparlap otyr.