«Samuryq-Qazyna» qorynyń kapıtaly sońǵy úsh jylda 26 paıyzǵa artty

ASTANA. QazAqparat - «Samuryq-Qazyna» qoryna kiretin toptyń kapıtal quny 2010 jylǵy 36 mlrd. dollardan qazirgi kúni 48,7 mlrd. dollarǵa nemese 26 paıyzǵa artty. Búgin Aqordada Prezıdent N. Nazarbaevtyń qatysýymen ótip jatqan QR Úkimetiniń keńeıtilgen otyrysynda «Samuryq-Qazyna» Ulttyq ál-aýqat qorynyń Basqarma Tóraǵasy Ómirzaq Shókeev osylaı málim etti.

«Qorǵa qatysty respýblıkalyq bıýdjetten qarjylandyrý kórsetkishi jyl saıyn tómendep keledi. Eger 2010 jyly bul 106 mıllıard teńge bolsa, qazir 73 mıllıard teńgeni qurap otyr. sonymen qatar atalǵan qarajat negizinen Úkimettiń tapsyrmasyna sáıkes, tek ekonomıkanyń basym salalaryna, sondaı-aq áleýmettik baǵdarlanǵan jobalarǵa baǵyttalady», - dedi Ó. Shókeev. Onyń aıtýynsha, Qorǵa tıesili syrtqy qaryz shamasy da biraz tómendegen. «Bul baǵytta qatań saıasat ustaný arqasynda biz dırektorlar keńesi usynǵan dálizden shyqqan emespiz. Jalpy tıimdi syrtqy qaryzdyń qazirgi kórsetkishi 14 mıllıon dollarǵa jetti. Bul áleýetti biz kez kelgen ýaqytta qajet bolatyn jańa ınvestıtsııalyq jobaǵa jumsaı alamyz», - dedi Ó. Shókeev.