«Samuryq-Qazyna» qorynyń basshylyǵy pysyqtalmaǵan sheshimder jasaı bastady - Amanjan Jamalov

NUR-SULTAN. QazAqparat – Parlament Májilisiniń jalpy otyrysynda depýtat Amanjan Jamalov «Samuryq-Qazyna» qorynyń basshylyǵy pysyqtalmaǵan sheshimder jasap jatqanyn aıtty, dep habarlaıdy QazAqparat tilshisi.

«Májilistiń jalpy otyrysynda Memleket basshysy «Samuryq-Qazyna» qorynyń jumysyn qaıta qaraý týraly tapsyrma berdi. Qoǵamda qordyń taǵdyryna qatysty pikirtalas bastaldy. Degenmen mamandardyń quzyrly ári kásibı pikirin haıp pen popýlızm tolqyny basyp bara jatqany erekshe alańdatyp otyr. Osy jaǵdaıda qordyń basshylyǵy pysyqtalmaǵan ári asyǵys sheshimder qabyldaı bastaǵanyn kórip otyrmyz. Bul óz kezeginde teris saldarǵa alyp kelýi múmkin. Osyǵan baılanysty qordy jańǵyrtýǵa qatysty josparly, qadamdyq jumystarǵa oralý kerek dep sanaımyz», - dedi A. Jamalov Úkimet basshysy Álıhan Smaıylovtyń atyna joldaǵan saýalynda.

Onyń paıymynsha, asyǵys sheshimder jasamas buryn qordyń ne sebepti tıimsiz bolǵanyn taldaý kerek.

«Osy oraıda qordyń beıindi jáne beıindi emes aktıvterine keshendi aýdıt júrgizý kerek. Básekelestik ortaǵa beıindi emes kompanııalardy shyǵarý sheshimin qabyldaǵan jón. Sonymen qatar, barlyq beıindi kompanııalar jumysynyń tıimdiligin baǵalaǵan durys bolady. Olarǵa qarjylyq saýyqtyrýdy júrgizip, osydan keıin qor naryǵy arqyly ótkizý týraly sheshim qabyldaý kerek. Azamattar qordyń úlesin ıelený quqyǵyn qandaı formatta alsa da, tıisti baǵalaý men onyń nátıjesin ashyq jarııalamasa, azamattar ózderine ne usynyp otyrǵanyn bilmeıtin bolady. ıAǵnı bul turǵyda «naqty ınvestıtsııalyq kiris bola ma?» nemese «qomaqty qaryzǵa batqan qurylymdy kóre me?». Eger osy suraqqa naqty jaýap berilmese, onda qazirgi jáne bolashaq áleýetti ınvestorlar da túsinbestik jaǵdaıda bolady. Óıtkeni «Samuryq-Qazyna» bereshegi 7,5 trln teńgeden asyp tústi, bul 18 mlrd AQSh dollary shamasynda», - dedi A. Jamalov.

Onyń aıtýynsha, qor qyzmetine qatysty sheshim qabyldaý men onyń uıymdastyrýshylyq qurylymyn ózgertý kezinde qordyń syrtqy qaryzdaryn nazarǵa alý kerek. Eger qordy reformalaý boıynsha sheshimi pysyqtalmaı jasalsa, bul óz kezeginde kredıtorlar arasynda dúrbeleń týdyrýy múmkin. Olar kez kelgen ýaqytta paıyzdyq mólsherlemeni kóterip, qaryzdy merziminen buryn jabýdy talap etýi yqtımal. Osy mindettemeler boıynsha keıinnen Úkimet jaýap beretin bolady.

«Qordyń barlyq aýdarymdary ortalyqtandyrylyp, memlekettik mindetterdi júzege asyrýǵa bólýmen respýblıkalyq bıýdjetke túsýi kerek», - dedi depýtat.