«Samuryq-Qazyna» qorynda satyp alýdyń jańa tártibi ázirlendi
«Memleket basshysynyń tapsyrmasyna sáıkes, adamı faktordy azaıtý maqsatynda memlekettik baqylaýdaǵy táýekelderdi basqarý júıesi avtomattandyrylady. Sonyń nátıjesinde baqylaý jáne qadaǵalaý organdary bıznestiń neǵurlym problemaly sýbektilerine shoǵyrlanady. Bul rette zańǵa baǵynatyn kásipkerlerge ákimshilik qysym tómendeıdi. Básekelestik aıasyn eleýli túrde keńeıtip, barlyq kásipkerler úshin shyn máninde teń múmkindikter týǵyzyp, monopolııalandyrýdy toqtatý kerek», - dedi Álıhan Smaıylov elordada ótip jatqan «Atameken» ulttyq kásipkerler palatasynyń kezekten tys ІH sezinde.
Onyń aıtýynsha, óńirlerde shaǵyn jáne orta bızneske basymdyq berý qajet. Jáne memlekettik qoldaý sharalaryn usynýdyń tıimdiligi men ashyqtyǵyn arttyrýda jańa mindet tur.
«Samuryq-Qazyna» qorynda satyp alýdy júzege asyrýdyń jańa tártibiniń jobasy ázirlendi. Ol birinshi kezekte satyp alýdyń ashyqtyǵyn arttyrýǵa jáne ońaılatýǵa, jergilikti óndirýshiler men jetkizýshilerdi qoldaýǵa baǵyttalǵan. Bul sharalar 10 myń shaǵyn jáne orta bıznes sýbektisine kómektesýge múmkindik beredi. Otandyq taýar óndirýshilerden 400 mlrd teńgege shamamen 10 myń taýar pozıtsııasy satyp alynady. Odan basqa, zań júzinde ashyqtyqty arttyrý jáne jer qoınaýyn paıdalaný quqyǵyn berý jáne kelisim-sharttardyń talaptaryn ózgertý rásimderin ońaılatý josparlanýda», - deıdi ol.