Samuryq-Qazyna» qory jalpy quny 81 mlrd. AQSh dollaryn quraıtyn 100 ınvestıtsııalyq jobany iske asyrýda
13:09, 17 Sáýir 2013
ASTANA. 17 sáýir. QazAqparat - «Samuryq-Qazyna» qory búginde óziniń negizgi enshiles uıymdary arqyly jalpy quny 81 mlrd. AQSh dollaryn quraıtyn 100 ınvestıtsııalyq jobany iske asyryp jatyr.
Bul týraly búgin atalǵan qordyń basqarýshy dırektory Berik Beısenǵalıev málim etti.
Onyń sózine qaraǵanda, 100 ınvestıtsııalyq jobanyń ishindegi 27-si búgingi tańda iske qosyldy. Al, qalǵan 73 joba júzege asyrylyp jatyr. Belgili bolǵanyndaı, buǵan qosa 51,7 mlrd. AQSh dollary kólemindegi taǵy 83 ınvestıtsııalyq jobany iske asyrý múmkindigi qosymsha pysyqtalýda.
«Alaıda, bul jobalardyń barlyǵy qarjylandyrylmaýy múmkin. Sebebi, osy jobalarǵa tolyq taldaý jasalǵannan keıin olardyń keıbirine tıym salynýy yqtımal».