«Samuryq-Qazyna» qory tájirıbeli qurylys salýshylardy tartý arqyly jyljymaıtyn múlik naryǵyn damytýdy maqsat etedi
Kompanııa taratqan aqparatqa sáıkes, is-sapary aıasynda ol búgin «Januıa-2» turǵyn kesheni úshin iri paneldi elementteriniń serııalyq óndirisin shyǵarǵan «KKK Beton» zaýytyna bardy, «Januıa-1» jáne «Januıa-2» eki turǵyn úı kesheniniń qurylysymen tanysty.
«Memlekettik baǵdarlamalardyń operatory bola otyryp, biz «KKK-Injınırıng» JShS sııaqty qurylys salýshylaryn tartý jolymen jyljymaıtyn múlik naryǵyn damytýdy maqsat etip qoıamyz. Bul kompanııa, Óńirlerdi damytýdyń 2020 jyldarǵa deıingi baǵdarlamasy boıynsha memlekettik qarjylandyrý esebinen qurylys tájirıbesin alǵan 2015 jylǵy jeltoqsan aıynda biz 8083,98 sharshy metr baspana qurylysyn qarjylandyrdyq. Búgingi kúni kólemi 4 843,31 sharshy metr «Januıa-1» kesheniniń ekinshi úıiniń qurylysy tabysty aıaqtalýda. Men 173 qaraǵandylyq otbasylary ózderiniń úı-jaı jaǵdaılaryn jaqsartatynyna qýanyshtymyn jáne bul qysqa merzimdi jospar», - dedi B.Mamytalıev.
Onyń atap ótýinshe, qordyń memlekettik-menshiktik áriptestiginiń kelesi kezeńi «Nurly Jol» baǵdarlamasy boıynsha «Januıa-2» kommertsııalyq nysanyn qarjylandyrý bolady. Atalmysh baǵdarlama aıasynda 2020 jylǵa deıin Qaraǵandy oblysy boıynsha 5020,08 sharshy metr kommertsııalyq baspana qurylysy josparlanýda. Budan basqa, memlekettik baǵdarlamardy iske asyrý mýltıplıkatıvti áser beredi. Qordyń qarjylandyrýynyń kómegimen, «KKK Injınırıng» JShS qosymsha 60 jańa oryndary ashyldy, otandyq qurylys materıaldarynyń óndirisi keńeıtildi.
Óz kezeginde «KKK» kompanııa tobynyń dırektory Aleksandr Kıký qurylys salasynda 1993 jyldan beri jumys jasap kele jatqandyǵyn jáne Qormen 2014 jyly yntymaqtastyǵyn bastaǵandyǵyn aıtyp ótti.
« Biz 23 jyl ishinde ondaǵan turǵyn keshenderin saldyq jáne ózimizdi senimdi, sapaly qurylys salýshysy jáne sońǵy ınnovatsııalar jáne tehnologııalardy paıdalanýmen joǵary sapaly temir betonynyń óndirýshisi retinde kórsettik. Mysalǵa, bizdiń zaýytta Qazaqstandaǵy jalǵyz armatýrany balqytyp pisirý boıynsha avtomattyq mashınasy iske qosylǵan. «Samuryq-Qazyna» jyljymaıtyn múlik qorymen áriptestiktiń kelesi qadamy «Nurly Jol» baǵdarlamasy aıasyndaǵy «Januıa-2» turǵyn kesheniniń qurylysy bolady. Búgingi kúni bizdiń «KKKBeton» zaýytymyzda birinshi ret qurylys merzimin qysqartýǵa múmkindik beretin «Januıa-2» turǵyn kesheni úshin iri paneldiń serııalyq óndirisi bastaldy. «Samuryq-Qazyna» jyljymaıtyn múlik qory» AQ memlekettik-menshiktik áriptestik - bul bizdiń kompanııanyń damýynyń mańyzdy orny. Men, Qazaqstan Úkimetine jáne «Samuryq-Qazyna» jyljymaıtyn múlik qoryna bizdiń kompanııaǵa kórsetip otyrǵan qoldaýy úshin rızashylyǵymdy bildiremin», - dedi ol.