«Samuryq-Qazyna» qory ortalyqtandyrylǵan qazynashylyq júıesin engizbek
Bul týraly búgin «Samuryq-Qazyna» UÁQ» AQ-nyń basqarma tóraǵasy Ómirzaq Shókeev málim etti.
«Bıýdjettik tártipti kúsheıtý jáne aqsha resýrstaryn tıimdi paıdalaný maqsatynda biz qarjy-ekonomıkalyq blokty reformalaýdy bastadyq. Onyń mańyzdy elementi ortalyqtandyrylǵan qazynashylyq júıesin engizý bolyp tabylady», - dedi ol.
Onyń atap ótýinshe, joba aqsha qarajattaryn, qaryzdardy jáne qarjylyq táýekelderdi barynsha tıimdi basqarýǵa múmkinshilik beredi. Qazirgi ýaqytta qor aldyńǵy qatarly halyqaralyq tájirıbeni zerdelep, ortalyq qazynashylyqtyń ońtaıly modelin irikteý ústinde. «Bizder qazynashylyqtyń aralas qurylymyn júzege asyratyn bolamyz. Biz qordyń jáne ulttyq kompanııalardyń qyzmet baǵyttaryn eskere otyryp aldyńǵy qatarly tájirıbeni engizemiz», - dedi ol.
Sonymen qatar atalǵan shara qordyń jáne ulttyq kompanııalardyń álemdik úzdik kompanııalardyń qataryna shyǵýyna múmkindik beretinin basa aıtqan Ó.Shókeev: «Aǵymdaǵy jyly qazynashylyqty ortalyqtandyrý jobasy ilki aımaqta úsh kompanııada bastalady», - dedi.